Журам
Хэн, хэрхэн бүртгүүлэх вэ?
Олимпиадад оролцох нь сайн дурын (удирдамж 1.4). Багш geography.mn-д «Багш» эрхээр бүртгүүлж ажилладаг сургуулиа сонгосноор тухайн сургуулийн олимпиадын бүртгэл үүснэ (3.3). Нэг сургуулиас хэд хэдэн багш бүртгүүлж болох ба сургууль нэг бүртгэлийн нэгж: бүх багш нэг жагсаалтад сурагчдаа нэмж, квот сургуульд ангилал бүрээр үйлчилнэ. Сурагч бүртгүүлэхдээ сургуулиа сонгоод газарзүйн багшаа жагсаалтаас сонгоно. Нэгийн давааны дараа багш шалгарсан сурагчдаа порталаас сургуулийн бүртгэлд нэмнэ. VII–IX ангийн сурагч дунд, X–XII ангийн сурагч ахлах ангилалд өрсөлдөнө. Аль ч хичээлийн багш, сургалтын менежер, захирал хоёрын даваанаас багшийн ангилалд оролцоно — порталын «Миний оролцоо» хэсгээс бүртгүүлнэ.
- 1
Багш бүртгүүлнэ
Багш «Багш» эрхээр бүртгүүлж сургуулиа сонгоно. Сурагч «Сурагч» эрхээр бүртгүүлж сургууль, багшаа сонгоно.
- 2
Нэгийн даваа: 2026.10.25–2026.10.27
Багш хорооны нэгдсэн материалыг порталаас татаж, сургууль дээрээ зохион байгуулна.
- 3
Шалгарсан сурагчдыг бүртгэнэ (2026.11.01 23:59 хүртэл)
Порталын «Олимпиадын бүртгэл» хэсэгт квотын хэмжээнд сургуулийн бүртгэлд нэмж, нэр, анги, регистрийн дугаар, утас, и-мэйлийг шалгана.
- 4
Хороо баталгаажуулна
Зөвхөн баталгаажсан сургууль, багш, сурагч хоёрын даваанд орно; нөхөж бүртгэхгүй.
- 5
Хоёрын даваа: 2027.01.15 — Exam.net
Аймаг, нийслэлийн дүүрэг бүрийн төвлөрсөн шалгалтын цэгт, зөөврийн компьютертэй. Туршилтын олимпиадад заавал оролцоно (удирдамж 5.8).
Улсын газарзүйн XXXI олимпиад
- Бүртгэл нээгдэх
- 2026.10.25 00:00
- Бүртгэх, засах эцсийн хугацаа
- 2026.11.01 23:59
- Нэгийн даваа
- 2026.10.25–2026.10.27
- Хоёрын даваа
- 2027.01.15
- Гурвын даваа
- 2027.03.20–2027.03.23
- Хураамж
- Үнэгүй
Анхаарах
- Бүртгэлийн мэдээллийг 2026.11.01 23:59 хүртэл оруулж, засна. Түүнээс хойш нэмэх, засах боломжгүй (удирдамж 4.3, 4.4).
- Exam.net-д geography.mn дээрх и-мэйлээ яг ижлээр бичнэ — үсэг, цэг, тоо зөрвөл нэвтэрч чадахгүй (5.14).
- Хоёрын даваанд зөвхөн зөөврийн компьютер ашиглана; таблет, гар утас, суурин компьютер хориотой (5.10).
Дараагийн даваанууд
Хоёр, гурвын даваа
Хоёрын даваа — 2027.01.15
Exam.net-ээр, аймаг, нийслэлийн дүүрэг бүрийн төвлөрсөн шалгалтын цэгт. Сонгох 50 даалгавар (25 оноо), задгай 5 даалгавар (75 оноо) — нийт 100 оноо. Багш, ахлах анги, дунд анги ангилал тус бүрийн эхний 50 оролцогч гурвын даваанд шалгарна (удирдамж 5.4).
- 09:00–09:50Сонгох даалгавар — Багш
- 11:00–11:50Сонгох даалгавар — Ахлах анги
- 13:00–13:50Сонгох даалгавар — Дунд анги
- 15:00Задгай даалгавар — Бүх ангилал
Туршилтын олимпиад 2027.01.13-нд ижил цагт — заавал оролцоно. Дүнг 2027.01.17-нд багтаан geography.mn-д танилцуулна.
Гурвын даваа — 2027.03.20–2027.03.23
Онолын шалгалт 50, дадлага ажил 30, мультимедиа шалгалт 20 — нийт 100 оноо. Шалгарсан оролцогчдын нэрсийг geography.mn-д зарлана (удирдамж 6.1). Багшийн ангилалд тэргүүн 1, дэд 3, гутгаар 6; дунд, ахлах ангилал тус бүрт тэргүүн 3, дэд 6, гутгаар 9 байр шалгаруулна (11.2).
Гомдол гаргах хугацаа (удирдамж 9)
Шалгалтын зохион байгуулалт, хяналт, техникийн нөхцөлтэй холбоотой гомдлыг шалгалт дууссанаас хойш 8 цагийн дотор гаргана. Дүн, эрэмбэ, зөрчил тогтоосон шийдвэртэй холбоотой гомдлыг тухайн шийдвэр geography.mn-д нийтлэгдсэнээс хойш 8 цагийн дотор гаргана. Гомдлыг ашиг сонирхлын зөрчилгүй 3-аас доошгүй гишүүнтэй хэсэг хянаж, шийдвэрийг и-мэйлээр мэдэгдэнэ.