Улсын газарзүйн XXXI олимпиад — Монголын газарзүйн олимпиадын хороо

1-р даваа

Нэгийн даваа — сургууль дээрээ

Нэгдсэн материалаар, сургууль дээрээ

Нэгийн давааг 2026.10.25–2026.11.03-нд сургууль бүр хорооны боловсруулсан нэгдсэн материалаар зохион байгуулна. Материалыг geography.mn-д «Багш» эрхээр бүртгүүлж сургуулиа сонгосон багш порталаас татна.
Шалгарсан сурагчдыг бүртгэнэ

Шалгарсан сурагч geography.mn-д бүртгүүлж багшаа сонгоно. Багш тэднийг квотын хэмжээнд сургуулийн бүртгэлд нэмж, нэр, анги, регистрийн дугаар, утас, и-мэйлийг шалгана — хоёрын даваанд Exam.net-д яг энэ и-мэйлээр нэвтэрнэ.
Хороо баталгаажуулна

Хороо сургуулийн бүртгэлийг хянаж баталгаажуулна. Хугацаанд нь бүртгэгдээгүй сургууль, багш, сурагчийг нөхөж бүртгэхгүй (удирдамж 4.4).

Сургууль — нэг бүртгэлийн нэгж

Багш geography.mn-д бүртгүүлж ажилладаг сургуулиа сонгосноор тухайн сургуулийн олимпиадын бүртгэл үүснэ. Нэг сургуулиас хэд хэдэн багш бүртгүүлж болно — бүгд сургуулийн нэг жагсаалтыг харж, өөрийн сурагчдыг нэмнэ. Квот энэ жагсаалтад ангилал бүрээр үйлчилнэ.

Сурагчид гурван давааг бүгдийг нь дамжина: нэгийн даваанд зөвхөн сурагчид оролцоно — VII–IX анги дунд, X–XII анги ахлах ангилалд. Аль ч хичээлийн багш, сургалтын менежер, захирал энэ даваанд оролцохгүй — «Багш» эрхээр бүртгүүлж, шууд хоёрын даваанд багшийн ангилалд өрсөлдөнө.

Хэдэн сурагч шалгаруулах вэ?

Сургуулийн албан ёсны сурагчийн тооноос квот бодогдоно.

Квот ангилал бүрт тусдаа. Дунд (VII–IX анги), ахлах (X–XII анги) — тус бүрд нь.

Сургуулийн сурагчийн тооноос хамаарах шалгаруулах эрхийн квот. Тоо нь ангилал бүрийн квот, хаалтанд нийт дүн.
Сурагчийн тоо	Ангилал бүрт дунд · ахлах
1000 хүртэл сурагчтай сургууль	2 сурагч (нийт 4)
1001–2000 сурагчтай сургууль	3 сурагч (нийт 6)
2001–3000 сурагчтай сургууль	4 сурагч (нийт 8)
3001 ба түүнээс дээш сурагчтай сургууль	5 сурагч (нийт 10)