Монголын газарзүйн олимпиадын хороо

Багшийн заавар

Сурагчаа улсын олимпиадад бүртгүүлэх — 4 алхам

Шалгарсан сурагчдаа 2026.11.01 23:59 хүртэл нэмнэ

Улсын газарзүйн XXXI олимпиад · нэгийн даваа 2026.10.25–2026.10.27. Хугацааны дараа нэмэх, засах боломжгүй (удирдамж 4.3, 4.4).

Бүртгэл нээлттэй

Схем

Дөрвөн алхам

Схемийг зургаар татах
  1. 1

    Багш бүртгүүлнэ

    «Багш»-ийг сонгоод ажилладаг сургуулиа сонгоно.

    Хамгийн түрүүнд

  2. 2

    Сурагч бүртгүүлж, сургууль, багшаа сонгоно

    Сурагч өөрөө: «Сурагч» → сургууль → газарзүйн багшаа сонгоно. Багш бичиж оруулахгүй.

    Хамгийн чухал

  3. 3

    Нэгийн даваа

    Материалаа порталаас татаж, сургууль дээрээ шалгалт авна.

    2026.10.25–2026.10.27

  4. 4

    Шалгарсан сурагчдаа нэмнэ

    Квотын хэмжээнд сонгож, порталаас илгээнэ.

    2026.11.01 23:59 хүртэл

Хороо сургуулийн бүртгэлийг батална Хоёрын даваа — 2027.01.15, Exam.net-ээр, аймаг, дүүргийн төвлөрсөн цэгт

Бичлэгээр үзэх

Дөрвөн алхмыг сайтын дэлгэцээр — тайлбар бичигтэй, товч дарах дуутай.

Бичлэг татах

1-р алхам

Багш эхэлж бүртгүүлнэ

  1. а.geography.mn/register хаягаар орж «Багш»-ийг сонгоно.
  2. б.Овог, нэрээ кирилл үсгээр бичнэ.
  3. в.Ажилладаг сургуулиа албан ёсны жагсаалтаас хайж сонгоно.
  4. г.И-мэйл, утас, нууц үгээ бичээд «Бүртгүүлэх»-ийг дарна.

Сургуулиа зөв сонгоорой

Сурагчид тань ижил сургуулийг сонгосон үед л таныг багшийн жагсаалтаас харна. Бүртгэлтэй бол Профайл дээрээ сургуулиа шалгаарай. Сургууль жагсаалтад алга бол бүртгүүлэх хуудсан дээрх «Сургуулиа нэмүүлэх хүсэлт илгээх»-ийг дарна.

Аль ч хичээлийн багш, сургалтын менежер, захирал бүртгүүлж болно (удирдамж 1.5).

Багшаар бүртгүүлэх Нэвтрэх
Бүртгүүлэх хуудас: «Багш» сонгож, сургуулиа сонгосон байдал
«Багш»-ийг сонгоход доор нь «Багш нар эхэлж бүртгүүлнэ» гэсэн сануулга гарна.

2-р алхам · хамгийн чухал

Сурагч өөрөө бүртгүүлж, сургууль, багшаа сонгоно

Багш сурагчийн мэдээллийг өөрөө бичиж оруулахгүй. Сурагч бүр geography.mn-д өөрөө бүртгүүлэхдээ сургуулиа сонгоод, «Газарзүйн багш» жагсаалтаас таныг сонгоно. Ингэж бүртгүүлсэн сурагч л таны «Миний сурагчид» жагсаалтад орж, 4-р алхамд сонгогдох боломжтой.

Сурагч юу хийх вэ?

  1. 1geography.mn/register → «Сурагч»-ийг сонгоно.
  2. 2Сургуулиа сонгоно — багштайгаа ижил сургууль.
  3. 3«Газарзүйн багш» хэсгээс багшийнхаа нэрийг дарж сонгоно.
  4. 4Ангиа (7–12) сонгож, и-мэйл, утас, нууц үгээ бичээд «Бүртгүүлэх».
  • Сургуульд нь багш бүртгэлгүй бол сурагч бүртгүүлж чадахгүй — тиймээс багш эхэлж бүртгүүлнэ.
  • Өмнө нь бүртгүүлсэн сурагч Профайл → «Газарзүйн багш» хэсгээс таныг сонгоно.
  • Сурагчдыг ангид нь эсвэл гэрээр нь бүртгүүлж болно — утас, компьютер аль алинаар.
Сурагчийн бүртгэл: «Сурагч», сургууль, «Газарзүйн багш» жагсаалтаас багшаа сонгосон байдал
Сургуулиа сонгоход тэр сургуулийн бүртгэлтэй багш нар гарч ирнэ — сурагч багшаа дарж сонгоно.

Сурагчдадаа илгээх мессеж

Хуулж аваад анги, бүлгийн чат эсвэл эцэг эхчүүдийн группт илгээгээрэй.

Сайн байна уу! Газарзүйн олимпиадад оролцохын тулд geography.mn/register хаягаар орж бүртгүүлээрэй: 1) «Сурагч»-ийг сонго; 2) манай сургуулийг сонго; 3) «Газарзүйн багш» хэсгээс намайг сонго; 4) ангиа сонгоод «Бүртгүүлэх»-ийг дар. Өмнө нь бүртгүүлсэн бол Профайл → «Газарзүйн багш» хэсгээс намайг сонгоорой.

Порталын «Миний сурагчид» хуудас: багшаа сонгосон сурагчид «Сонгосон» тэмдэгтэй
Шалгах: Портал → «Миний сурагчид». Таныг сонгосон сурагч «Сонгосон» тэмдэгтэй харагдана.

3-р алхам · 2026.10.25–2026.10.27

Нэгийн даваагаа сургууль дээрээ авна

  • Хорооны нэгдсэн материал нээгдэхэд порталын Хяналтын самбар-ын дээд талд шар хайрцаг гарна — «Татах».
  • Материал зөвхөн танд: сурагч, бусдад дамжуулах, хуулбарлах, нийтлэхийг хориглоно (удирдамж 7.2).
  • Шалгалтыг сургууль дээрээ зохион байгуулна. Хэдэн сурагч оролцсоныг тэмдэглэж аваарай — 4-р алхамд бичнэ.
Хяналтын самбар: «Нэгийн давааны материал нээгдлээ» хайрцаг, «Татах» товч

4-р алхам · 2026.11.01 23:59 хүртэл

Шалгарсан сурагчдаа нэмнэ

  1. а.Портал → «Олимпиадын бүртгэл» → «Сургуулийн бүртгэлд сурагч нэмэх».
  2. б.Дээд талд танай сургуулийн квот, танд үлдсэн эрх харагдана.
  3. в.«Миний сурагчид» жагсаалтаас шалгарсан сурагчдаа Дунд (VII–IX), Ахлах (X–XII) ангиллаар тэмдэглэнэ.
  4. г.«Регистрийн дугаар дутуу» гэсэн сурагчийн дугаарыг заавал бичнэ (удирдамж 4.3).
  5. д.«Нэгийн даваанд оролцсон сурагчдын тоо»-г бичээд «Илгээх».

Илгээсний дараа

Төлөв «Хүлээгдэж буй» болно. Хугацаа дуустал «Засах»-аар нэмж, хасаж болно. Хороо сургуулийн бүртгэлийг баталсны дараа сурагчид хоёрын давааны оролцогч болж, Exam.net-ийн мэдээллээ порталаасаа харна.
«Хоёрын даваанд сурагч шалгаруулах» хуудас: сургуулийн квот, үлдсэн эрх
Квот ба үлдсэн эрх
Шалгарсан сурагчдаа ангиллаар нь тэмдэглэсэн байдал
Ангиллаар нь тэмдэглэнэ
Нэгийн даваанд оролцсон сурагчдын тоо ба «Илгээх» товч
Оролцсон тоо → «Илгээх»
Илгээсний дараа: «Хүлээгдэж буй» төлөвтэй сургуулийн бүртгэл
«Хүлээгдэж буй» — хороо батална

Квот

Сургууль хэдэн сурагч шалгаруулах вэ?

Сургуулийн сурагчийн тооноос хамаарна (удирдамж 4.2). Квот ангилал бүрт тусдаа: дунд ангилалд хэд, ахлах ангилалд мөн тэд.

  • Сургуулийн бүх багш нэг квотыг хуваалцана — эхэлж нэмсэн нь эхэлж авна. Багш нартайгаа урьдчилан тохиролцоорой.
  • Сурагчийн тоо БШУЯ-ны албан ёсны жагсаалтаас. Буруу бол хороонд мэдэгдэнэ үү.
  • Багш өөрөө оролцох нь квотод орохгүй.
Сургуулийн сурагчийн тоо Дунд
VII–IX		 Ахлах
X–XII		 Нийт
1000 хүртэл 2 2 4
1001–2000 3 3 6
2001–3000 4 4 8
3001 ба түүнээс дээш 5 5 10

Жишээ: 1,250 сурагчтай сургууль дунд ангилалд 3, ахлах ангилалд 3 — нийт 6 сурагч шалгаруулна.

Түгээмэл асуудал

Ингэвэл яах вэ?

Сурагчид «Танай сургуульд газарзүйн багш бүртгэлгүй байна» гэж гарч байна

Та бүртгүүлээгүй, эсвэл профайлдаа өөр сургууль сонгосон байна. Бүртгүүлээд Профайл → «Сургууль»-аа шалгаарай; дараа нь сурагч дахин оролдоно.

Сурагч багшийн жагсаалтаас намайг олохгүй байна

Сурагч тантай яг ижил сургуулийг сонгосон эсэхийг шалгана — ижил төстэй нэртэй өөр сургууль байж болно.

«Миний сурагчид» хуудсанд сурагч харагдахгүй байна

Сурагч бүртгүүлэхдээ өөр багш сонгосон эсвэл огт сонгоогүй байна. Сурагч Профайл → «Газарзүйн багш» хэсгээс таныг сонгоно.

Сурагч «Сонгох боломжгүй» хэсэгт байна

Шалтгаан нь хажууд бичигдсэн: анги бүртгэлгүй (сурагч Профайлдаа ангиа сонгоно), өөр сургуульд бүртгэлтэй, и-мэйлгүй (Exam.net-д хэрэгтэй), эсвэл өөр багшийн хэсэгт сонгогдсон.

«Квот дууссан» гэж байна

Сургуулийн бусад багш эрхийг ашигласан байна. «Танай сургуулийн нэгдсэн жагсаалт»-аас хэн нэмснийг хараад хамтдаа шийднэ.

Сурагчийн регистрийн дугаар мэдэхгүй

Шалгарсан сурагчид заавал хэрэгтэй (удирдамж 4.3) — сурагч, эцэг эхээс нь асууна. Хадгалсны дараа зөвхөн хороо засна.

Нууц үгээ мартсан

Нэвтрэх хуудсан дээрх «Нууц үгээ мартсан уу?»-г дарж, бүртгэлтэй и-мэйлээрээ сэргээнэ.